ඉන්දියානු දූත මණ්ඩල වලට එල්ල කරන ප්රහාර පිළිබඳ ක්රියාමාර්ග දැකීමට කැමතියි යැයි ඉන්දීය විදේශ කටයුතු අමාත්යාංශය පවසයි.
එක්සත් රාජධානියේ ලන්ඩන් නුවර ඉන්දීය මහ කොමසාරිස් කාර්යාලයට සහ එක්සත් ජනපදයේ සැන් ෆ්රැන්සිස්කෝහි ඉන්දීය කොන්සල් කාර්යාලයට එල්ල වූ ප්රහාරවලට සම්බන්ධ වූවන්ට එරෙහිව ක්රියාමාර්ග ගැනීමට මිස හුදු සහතික කිරීම් දැකීමට ඉන්දියාව අකැමති බව විදේශ කටයුතු අමාත්යාංශය ප්රකාශ කළේය.
ලන්ඩන් සහ සැන් ෆ්රැන්සිස්කෝ හි සිදු වූ විනාශයන් සම්බන්ධයෙන් ඉන්දියාව දැඩි ලෙස අවධානය යොමු කර ඇති බව විදේශ කටයුතු අමාත්යාංශ ප්රකාශක අරින්දම් බග්චි සිය සතිපතා මාධ්ය හමුවේදී මේ පිළිබඳ ප්රශ්නවලට පිළිතුරු දෙමින් පැවසීය.
මේ සම්බන්ධයෙන් අප විසින් නිකුත් කර ඇති ප්රකාශ ඔබත් දැක ඇති. ඊට සම්බන්ධ සියලු දෙනා හඳුනාගෙන නඩු පැවරීමට සත්කාරක රජයන් ක්රියා කරනු ඇතැයි බලාපොරෝත්තු වෙමු. එවැනි සිදුවීම් නැවත සිදු නොවීමට අවශ්ය පියවර ගනු ඇතැයි අපි අපේක්ෂා කරමු යැයි ඔහු පැවසීය.
සත්කාරක ආන්ඩු අපගේ දූත මණ්ඩලවලට සහ එහි සේවය කරන පුද්ගලයින්ට ප්රමාණවත් සහ පූර්ණ ආරක්ෂාවක් ලබා දෙනු ඇතැයි අපි බලාපොරොත්තු වෙමු. සහතික කිරීම් ගැන පමණක් උනන්දු නොවෙමු, ක්රියාමාර්ග ගැනීම දැකීමට කැමති යැයි බග්චි තවදුරටත් පැවසීය.
ලන්ඩනයේ ඉන්දීය මහ කොමසාරිස් කාර්යාලය විරෝධතාකරුවන් අතර සිට පානීය ජල බෝතල් සහ වර්ණ ජල බෝතල් හෙළන ආකාරය දැක්වෙන වීඩියෝ දර්ශන බෙදා හැරීමෙන් පැය කිහිපයකට පසුව මෙම ප්රකාශය සිදු වූ අතර, එම ස්ථානයේ යොදවා සිටි පොලිස් නිලධාරීන්ට ද පහර කෑමට සිදු විය.
බදාදා, එක්සත් රාජධානියේ ඉන්දීය මහ කොමසාරිස් වික්රම් දොරෙයිස්වාමි, පොදුරාජ්ය මණ්ඩලීය සහ සංවර්ධන කටයුතු පිළිබඳ බ්රිතාන්ය රාජ්ය අමාත්ය තාරික් අහමඩ් හමුවී මෙම සිදුවීම් පිළිබඳව සාකච්ඡා කළේය.
ඛලිස්තාන් බෙදුම්වාදීන්ගේ විරෝධතා සහ ත්රිවර්ණ ධජය විනාශ කිරීමට උත්සාහ කිරීමෙන් පසුව, ඉන්දීය මහ කොමසාරිස් කාර්යාලය ගොඩනැගිල්ල ඉදිරිපිට විශාල ජාතික කොඩියක් සවි කළේය. පසුව, ලන්ඩනයේ මහ කොමසාරිස් ගොඩනැගිල්ලේ වහලය දිගේ දැවැන්ත ත්රිවර්ණ ලාංඡනයක් ද දිගහැරිණි.
පසුගිය දින කිහිපය තුළ ලන්ඩනයේ සැලකිය යුතු ඉන්දියානු ජනගහනයෙන් රට සහ ජාතික ධජය සඳහා සහයෝගයක් ගලා එනු දක්නට ලැබුණි. ඛලිස්තාන් බෙදුම්වාදීන්ගේ ක්රියාකලාපයට එරෙහිව සිසුන් ඇතුළු ඉන්දියානුවන් කන්ඩායම් මහ කොමසාරිස් කාර්යාලයෙන් පිටත රැස්වී ත්රිවර්ණ ලෙලවමින් විරෝධතාවයේ නිරතව සිටිති.
මාර්තු 19 වන දින මෙම සිදුවීමෙන් පසු ඉන්දීය රජය දැඩි විරෝධයක් පළ කළ අතර ඉන්දීය මහ කොමසාරිස් කාර්යාලයේ ප්රමාණවත් ආරක්ෂාවක් සහතික කරන ලෙස බ්රිතාන්ය රජයෙන් ඉල්ලා සිටියේය.
ලන්ඩනයේ පිහිටි ඉන්දීය මහ කොමසාරිස් කාර්යාලයට එරෙහිව බෙදුම්වාදී සහ අන්තවාදී කොටස් ගෙන ඇති ක්රියාමාර්ග සම්බන්ධයෙන් ඉන්දියාවේ දැඩි විරෝධය පළ කිරීම සඳහා ඉන්දියාව නවදිල්ලි නුවර බ්රිතාන්ය නියෝජ්ය මහ කොමසාරිස්වරයා කැඳවා තිබුණා.
එක්සත් ජනපදයේ, ඛලිස්තාන් ආධාරකරුවන් පිරිසක් පොලිසිය විසින් මතු කරන ලද තාවකාලික ආරක්ෂක බාධක බිඳ දමා ඉරිදා සැන් ෆ්රැන්සිස්කෝහි ඉන්දියානු කොන්සල් කාර්යාල පරිශ්රය තුළ ඛලිස්තානි කොඩි දෙකක් සවි කළහ.
ඉන් අනතුරුව විරෝධතාකරුවන් පිරිසක් කොන්සල් කාර්යාල පරිශ්රයට ඇතුළු වී දොර ජනෙල්වලට යකඩ පොලුවලින් පහර දීමට පටන් ගත් බව වාර්තා විය.
අගමැති මෝදිගේ සංචාරයේ අරමුණ ඉන්දියාව-ප්රංශය උපායමාර්ගික හවුල්කාරිත්වය ශක්තිමත් කිරීමයි
අගමැති මෝදි ප්රංශයට පැමිණෙන අතර ජනාධිපති මැක්රොන් සමඟ කෘතීම බුද්ධිය ක්රියාකාරී සමුළුවේ සම සභාපතිත්වය දරනු ඇත
අගමැති මෝදි ලබන සතියේ ඇමරිකා එක්සත් ජනපදයට ගොස් ජනාධිපති ට්රම්ප් හමුවනු ඇත
ඉන්දීය විදේශ කටයුතු අමාත්ය ජයශංකර්ගේ ස්පාඤ්ඤ සංචාරය: ඉන්දියා-ස්පාඤ්ඤ සබඳතාවලට සහ පුළුල් යුරෝපා සංගම් සහයෝගීතාවයට තල්ලුවක්.
