फ्रान्सका राष्ट्रपतिका सल्लाहकारसँगको भेटमा डोभाल

फ्रान्सका राष्ट्रपति इमानुएल म्याक्रोँका कूटनीतिक सल्लाहकार इमानुएल बोनले भारतका राष्ट्रिय सुरक्षा सल्लाहकार अजित डोभालसँग भेटवार्ता गरेका छन् । दुईबीचको वार्ता बिहीबार, जुलाई ०६ मा नयाँ दिल्लीमा भएको थियो। भारत र फ्रान्सबीचको रणनीतिक संवादलाई निरन्तरता दिने विषयमा व्यापक छलफल भए पनि भेटको मुख्य उद्देश्य प्रधानमन्त्री नरेन्द्र मोदीको आगामी साता हुने फ्रान्स भ्रमणको तयारीबारे छलफल गर्नु थियो ।

भेटपछि भारतस्थित फ्रान्सेली दूतावासले ट्वीटमार्फत भेटको जानकारी दिएको हो । फ्रेन्च राष्ट्रपति म्याक्रोनको निमन्त्रणामा भारतका प्रधानमन्त्री नरेन्द्र मोदीले जुलाई १४ मा हुने देशको राष्ट्रिय दिवसमा विशेष अतिथिका रुपमा सहभागी हुने बताइएको छ । यो भ्रमणले विशेष महत्व बोकेको छ किनभने यो राष्ट्रपति म्याक्रोनको नेतृत्वमा विदेशी राष्ट्र प्रमुखलाई आमन्त्रित गर्ने पहिलो बास्टिल डे कार्यक्रम हो।

साथै, फ्रान्ससँग भारतको कूटनीतिक सम्बन्धको पनि २५ वर्ष पूरा हुनेछ । त्यसैले विश्लेषकहरूका लागि प्रधानमन्त्री मोदीको भ्रमण विशेष महत्वको छ ।