भारत-अमेरिका सम्बन्ध बहुआयामिक र गहिरो छ: मोदी

भारतीय प्रधानमन्त्री नरेन्द्र मोदी राजकीय भ्रमणका लागि अमेरिका प्रस्थान गरेका छन् । उनको भ्रमणका क्रममा लडाकु विमानको इन्जिन निर्माणको सम्झौतामा हस्ताक्षर हुने बताइएको छ । यसका साथै मोदीले अमेरिकी कंग्रेसको संयुक्त सत्रलाई दोस्रो पटक सम्बोधन गर्ने छन् । यसअघि कुनै पनि भारतीय प्रधानमन्त्रीले अमेरिकी कांग्रेसको संयुक्त बैठकलाई दुईपटक सम्बोधन गरेका छैनन्। पूर्व बेलायती प्रधानमन्त्री विन्स्टन चर्चिल र दक्षिण अफ्रिकाका पूर्व राष्ट्रपति नेल्सन मण्डेलाबाहेक अन्य कसैले यो सम्मान पाएका छैनन्।

यद्यपि, मोदीको भ्रमणमा सबैभन्दा महत्त्वपूर्ण मुद्दा जनरल इलेक्ट्रिक (जीई) र हिन्दुस्तान एरोनटिक्स लिमिटेड (एचएएल) बीचको लडाकु इन्जिन सम्झौता हुन गइरहेको छ। यो सम्झौतासँगै, जीईले भारतमा जीई- एफ ४१४ फाइटर जेट इन्जिन निर्माण गर्नेछ। उनीहरुको पार्टनर हल हुनेछ । जनरल इलेक्ट्रिक ले यस इन्जिनको लागि प्रविधि हस्तान्तरण गर्नेछ। यो इन्जिन अमेरिकी नौसेनाको एफ / ए १८ हर्नेट विमानमा प्रयोग गरिन्छ। यो अमेरिकी नौसेना फाइटर जेट इन्जिन-प्रविधि यसअघि कुनै पनि देशलाई दिइएको थिएन। यो सम्झौतालाई दुई देशले निकै महत्व दिइरहेका छन् । धेरै अन्य रक्षा सम्बन्धी सम्झौताहरू पनि निर्धारित छन्।

राष्ट्रपति बनेपछि, बाइडेनले यसअघि फ्रान्सका राष्ट्रपति म्याक्रोन र दक्षिण कोरियाका राष्ट्रपति युन सुक-योललाई राज्य भ्रमणका लागि निम्तो दिएका थिए र व्हाइट हाउसमा रात्रिभोजको आयोजना गरेका थिए। यस पटक मोदीले तेस्रो राज्य नेताको रूपमा त्यो अवसर पाए। यससँगै नरेन्द्र मोदी ६ पटक अमेरिका पुगेका छन् ।

अमेरिकी कांग्रेसको संयुक्त बैठक, ह्वाइट हाउसमा रात्रिभोजलाई सम्बोधन गर्नुका साथै मोदीले बुधबार (जुन २१) संयुक्त राष्ट्र संघमा हुने विश्व योग दिवस कार्यक्रममा भाग लिनेछन्। भ्रमणका क्रममा मोदीले राष्ट्रपति बाइडेनसँग शिखर वार्ता गर्नेछन्, उनले शुक्रबार व्यापार प्रतिनिधिमण्डलसँग भेट गर्नेछन् । उनले प्रवासी भारतीयहरूको सम्मेलनलाई पनि सम्बोधन गर्नेछन्। डायस्पोरा भारतीयहरू उनको लागि टाइम स्क्वायर, गोल्डेन गेट ब्रिजमा भेला हुनेछन्।

मोदीले भने, 'कांग्रेसका सदस्यहरू, जीवनका विभिन्न क्षेत्रका मानिसहरूले मेरो अमेरिका भ्रमणको बारेमा आफ्नो धारणा राख्दै उत्साह देखाउँदैछन्। म उहाँहरुलाई धन्यवाद दिन्छु । उनीहरुले के भनेका छन्, भारत–अमेरिका सम्बन्ध कति बलियो छ भन्ने बुझिन्छ ।

वासिङ्टनबाट मोदी इजिप्टको पहिलो भ्रमणमा कायरो जानेछन् । इजिप्टका राष्ट्रपति अब्देल फताह अल–सिसीसँग भेटवार्ता हुनेछ । गत वर्ष भारतको गणतन्त्र दिवस समारोहमा इजिप्टका राष्ट्रपति अब्देल फताह प्रमुख अतिथि थिए।