जी २० बैठक फेरि गोवामा

जी २० विकास कार्य समूहको तेस्रो बैठक गोवामा भएको थियो। मे ८ देखि ११ सम्म भएको बैठकमा जी २० सदस्य, नौ आमन्त्रित देश र विभिन्न अन्तर्राष्ट्रिय तथा क्षेत्रीय संगठनका ८० भन्दा बढी प्रतिनिधि सहभागी थिए।

विकास कार्य समूह बैठकको दोस्रो दिन 'इको' को उद्घाटन सँगै सुरु भयो। सो अवसरमा दिगो विकासमा महिलाको भूमिकालाई उजागर गर्दै महिला नेतृत्वको विकाससम्बन्धी प्रदर्शनी आयोजना गरिएको थियो ।

प्रदर्शनीले महिला नेतृत्वको विकासमा भारतको महत्त्वपूर्ण भूमिका, पोषण, जलवायु परिवर्तन र आर्थिक सशक्तिकरणमा महिलाको योगदानका क्षेत्रमा भएका मुद्दाहरूलाई प्रकाश पार्छ। भारतका विकास कार्य समूह सह-अध्यक्ष, विदेश मन्त्रालयका सहसचिव केके नायडू र इनाम गम्भीरले बैठकको अध्यक्षता गरे।

परराष्ट्र मन्त्रालयका सचिव (आर्थिक सम्बन्ध) डम्मु रविले भिडियो सन्देश मार्फत विकास कार्य समूह बैठकको औपचारिक उद्घाटन गरे। बैठकको दोस्रो दिन जम्मा तीन सत्र सम्पन्न भएको छ । सत्रको विदामा महिला तथा बाल विकास मन्त्रालयको सहकार्यमा महिला सञ्चालित विकासको विषयमा आधारित प्रदर्शनी भएको थियो ।

विकास कार्य समूह बैठकको साइड इभेन्टको रूपमा मे ८ मा 'महिला नेतृत्व विकास' सम्बन्धी कार्यक्रम आयोजना गरिएको थियो। कार्यक्रममा आर्थिक, सामाजिक, सांस्कृतिक र राजनीतिक क्षेत्रमा निर्णय प्रक्रियामा संलग्न महिलाहरुको सहभागिता रहेको थियो ।

यो याद गर्न सकिन्छ कि पहिलो जी २० विकास कार्य समूह बैठक गत वर्ष डिसेम्बर १३ देखि १६ सम्म मुम्बईमा भएको थियो र दोस्रो बैठक यस वर्ष अप्रिलमा केरलाको कुमारकोममा भएको थियो।