ඉන්දියාව සහ රුසියාව වෙළඳ සහ ආර්ථික සබඳතා සමාලෝචනය කරයි.

ඉන්දියාව සහ රුසියාව වෙළඳපල ප්‍රවේශය ඇතුළු ප්‍රධාන ගැටළු විසඳීමෙන් එහි පූර්ණ හැකියාවන් විවෘත කිරීමට එකඟ විය.මෙහිදී ඔවුන්ගේ වෙළඳ සහ ආර්ථික සම්බන්ධතාවයේ විවිධ පැතිකඩ සමාලෝචනය කරන ලදී,

අඟහරුවාදා නවදිල්ලියේ පැවති වෙළඳ, ආර්ථික, විද්‍යාත්මක, තාක්‍ෂණික සහ සංස්කෘතික සහයෝගීතාව පිළිබඳ ඉන්දියා-රුසියාව අන්තර් රාජ්‍ය කොමිසමේ රැස්වීමේ 24 වැනි සැසියේදී මෙම විෂය සාකච්ඡා කෙරිණි. ඉන්දීය විදේශ කටයුතු අමාත්‍ය එස් ජයශංකර් සහ රුසියානු නියෝජ්‍ය අග්‍රාමාත්‍ය සහ වෙළඳ හා කර්මාන්ත අමාත්‍ය ඩෙනිස් මන්තුරොව් යන මහත්වරුන්ගේ ප්‍රධානත්වයෙන් මෙම රැස්වීම පැවැත්විණි.

ඉන්දීය විදේශ කටයුතු අමාත්‍යාංශයට අනුව, දෙපාර්ශ්වයම ද්විපාර්ශ්වික වෙළඳ හා ආර්ථික සබඳතාවයේ සමස්ත පරාසය සමාලෝචනය කළහ. වෙළඳ හිඟය සහ වෙළඳපල ප්‍රවේශ ගැටළු ආමන්ත්‍රණය කිරීම ඇතුළුව එහි පූර්ණ හැකියාවන් විවෘත කිරීමට එක්ව කටයුතු කිරීමට එකඟ විය.

අන්තර් රාජ්‍ය කොමිෂන් සභාව යනු දෙරට අතර වෙළෙඳ සහ ආර්ථික සහයෝගීතාවයේ ද්විපාර්ශ්වික ප්‍රගතිය නිරීක්ෂණය කිරීමේ යාන්ත්‍රණයකි.

දිවා කාලයේදී, රුසියානු අමාත්‍යාංශ කිහිපයක ජ්‍යෙෂ්ඨ නියෝජිතයින් සමඟ පැමිණි මන්තුරොව්, ඉන්දීය වාණිජ හා කර්මාන්ත අමාත්‍ය පියුෂ් ගෝයල්, ඉන්දීය මුදල් අමාත්‍ය නිර්මලා සීතාරාමන් සහ ඉන්දීය ජාතික ආරක්ෂක උපදේශක අජිත් දොවාල් සමඟ ද්විපාර්ශ්වික රැස්වීම් ද පැවැත්වීය.

මීට පෙර, සඳුදා, දෙපාර්ශවයේම ප්‍රධාන ව්‍යාපාරවල සහභාගීත්වයෙන් "ඉන්දියා-රුසියා ව්‍යාපාරික සංවාදය" පැවැත්විණි.මෙය "සම සභාපතිවරුන්ට සහ ව්‍යාපාරික නායකයින්ට පුළුල් ද්විපාර්ශ්වික වාණිජ සහයෝගීතාවයේ හවුල් ප්‍රමුඛතාවයන්හි නියැලීමට හැකි විය යැයි ඉන්දීය විදේශ කටයුතු අමාත්‍යාංශය පැවසීය.

එහිදී අදහස් දැක්වූ ජයශංකර් පෙන්වා දුන්නේ නායකත්වයන් විසින් නියම කරන ලද ඉලක්කගත වසර වූ 2025 වසරට පෙර දෙපාර්ශවය ඩොලර් බිලියන 30 ක ද්විපාර්ශ්වික වෙළඳ ඉලක්කය පසුකර ඇති බවයි. 2022 අප්‍රේල් - 2023 පෙබරවාරි කාලසීමාව සඳහා, වෙළඳාම ඇත්ත වශයෙන්ම ඩොලර් බිලියන 45 ක් පමණ වන බවත් මෙය දිගටම වර්ධනය වනු ඇතැයි අපේක්ෂා කර‍න බවත් ඔහු තවදුරටත් පැවසීය.

ඉන්දීය විදේශ කටයුතු අමාත්‍ය එස් ජයිශංකර් අවසන් වරට රුසියාවට ගොස් ඇත්තේ 2022 නොවැම්බර් මාසයේදීය.රුසියානු නියෝජ්‍ය අග්‍රාමාත්‍යවරයාගේ සංචාරය දෙපාර්ශ්වය අතර නිරන්තර ඉහළ මට්ටමේ සංවාදයේ අඛණ්ඩ පැවැත්මකි.